Mótmæli við heimili forstjóra Útlendinga­stofnunar

Mótmæli við heimili forstjóra Útlendinga­stofnunar




Forstjóri Útlendingastofnunar ber ábyrgð á því hvernig komið er fram
við flóttamenn sem leita hælis á Íslandi. Flóttamenn fá plagg á
íslensku um brottvísun, er neitað um túlka, og neitað um lögbundinn
rétt um 15 daga áfrýjunarfrest til dómsmálaráðuneytisins. Þetta kom
fram á fundi með dómsmálaráðherra mánudaginn 30. mars.

Útlendingastofnun dregur lappirnar endalaust í málum flóttamanna, og
tekur marga mánuði eða jafnvel ár í það að komast að niðurstöðu í
málum flóttamanna. Niðurstaðan er samt alltaf á sama veginn. Af þeim
rúmlega 600 sem hafa sótt um frá árinu 1991 hefur nákvæmleg einn
fengið hæli hér á landi.

Hittumst fyrir framan Hamraborg í Kópavogi klukkan 18 á fimmtudaginn
og fylkjum liði þaðan heim til forstjóra útlendingastofnunnar. Við
krefjumst þess að Útlendingastofnun setji mannúðarsjónarmið í fyrirrúm
og hætti að misnota Dublinarákvæðið til þess að firra sig ábyrgð á
vanda flóttamanna. Það fólk sem ber ábyrgð á málefnum flóttamanna á
Íslandi, getur ekki skýlt sér lengur bak við embætti sín.

Umbætur strax!

Boðað til mótmæla á Lækjartorgi á morgun klukkan 15

Boðað til mótmæla á Lækjartorgi á morgun klukkan 15



Boðað hefur verið til mótmæla á Lækjartorgi klukkan 15 á morgun til þess að mótmæla meðferð íslenskra stjórnvalda á hælisleitendum á Íslandi.

Tilkynning frá aðstandendum:

BROTTVÍSUN ER MORÐ!

Mótmæli, sunnudaginn 29. mars, klukkan 15.
Krafa um að íslensk yfirvöld hætti að senda fólk út í opinn dauðan!

Hist verður á Lækjartorgi klukkan 15:00 á morgun, sunnudag, til að mótmæla meðferð íslenskra stjórnvalda á hælisleitendum á Íslandi.

Dauðadómur frá Íslandi

Í þessari viku átti að senda 5 hælisleitendur aftur til Grikklands með eingöngu tveggja tíma fyrirvara. Rauði Krossinn og Sameinuðu þjóðirnar hafa ásakað Grikkland fyrir að brjóta á mannréttindum í búðum hælisleitanda. Ef við leyfum þessu að viðgangast er nær öruggt að þeir verða sendir aftur til heimalanda sinna og beint í opinn dauðann.

* Í lok ársins 2007 þurftu 67 milljónir manna að yfirgefa heimili sín vegna stríðs og náttúruhamfara. Fæstir njóta nokkurrar verndar né hafa fastan stað til að búa á.

* Ísland tekur á móti fæstum hælisleitendum, hlutfallslega, af öllum löndum heims. Frá 1990 til 2007 sóttu 603 einstaklingar um hæli á Íslandi. Einungis einn hlaut hæli. Á sama tíma eru það fátækustu lönd heims sem taka við flestum hælisleitendum.

* Ísland nauðgar Dyflinnarsamkomulaginu með því að senda hælisleitendur aftur til þess Schengenlands sem þeir komu fyrst til. Þaðan verða þeir sendir aftur til sins heimalands.

Að senda fólk til lands þar sem geisar stríð er morð!

Að senda fólk til lands þar sem það er ofsótt fyrir skoðanir sínar er morð!

Berjumst fyrir lífi. Mætum á mótmælin á Lækjartorgi Sunnudaginn 29. mars, kl. 15:00.

Fimmtudaginn 26. febrúar

Fimmtudaginn 26. febrúar verður anarkistaspjall #2 haldið í Hljómalind.
Auðunn ætlar að tala um IMF (Alþjóðagjaldeyrissjóðinn) og eftir það verða frjálsar umræður.

Það væri líka gaman ef að einhver hefði áhuga á að tala um önnur fjárhagskerfi á fundinum, eins og parecons eða socecons.
Þá má hann endilega annað hvort setja sig í samband við okkur eða bara mæta og spjalla um það.

Minni á söfnunarbaukana en þeir eru til að greiða leigu af félagsrýminu í Kaffi Hljómalind en rýmið starfar án von um gróða, og reiðir sig á frjáls framlög til að vera til.

Allir velkomnir!!

Laugardaginn 27.feb og Sunnudaginn 28. feb kl 15

Laugardaginn 27.feb og Sunnudaginn 28. feb kl 15 verða mótmæli fyrir framan alþingishúsið þar sem við krefjumst þyngri refsingar fyrir barnaníðinga

vonast til að sem flestir sjái sér fært að mæta

Tilkynning

Tilkynning vill biðja þá sem senda inn tilkynningar að hafa þær uppsettar þannig að síðan geti afritað og límt beint inn á síðuna. Síðan tekur ekki að sér að semja tilkynningar, síðan sér ekki um að skipuleggja mótmæli eða aðgerðir, síðan er vettvangur fyrir alla að auglýsa þau mótmæli eða þær aðgerðir sem það vill sjálft skipuleggja.

Eftirfarandi er skilyrði að hafa inn í tilkynningunni sem send er inn.
Staðsetning
Dagsetning
Tími

Einnig getur verið gott að setja inn markmið eða ástæðu ef það á við.

Síðan tekur ekki afstöðu til hvaða mótmæli eiga rétt á sér og hver ekki. Allar tilkynningar sem berast verða settar inn eins og þær berast í pósthólfið.
Öllum tilkynningum verður eytt daginn eftir að þær fara i gang.

Tilkynning

Ef þið hafið einhver plön eða aðgerðir á teikniborðinu og viljið fá fólk eða aðstoð þá hafið þið það val að senda Tlikynningu póst um að birta áform hér inni.

Tekið er á móti öllum aðgerðum og plönum.

Stöndum nú saman og tökum okkur til i að gera eitthvað í ástandinu.

Tölvupósturinn er-

Tilkynning

Hér er frjáls óháð Tilkynningasíða sem Almenning er frjálst að senda inn á Tilkynningar um aðgerðir til að Mótmæla því ástandi sem ríkir á Íslandi.

tilkynning@hotmail.com